قدر جيتي على جمر الغضا متألمه وتبكين
تناديني رغم خوفك حبيبي حالتي صعبه
أخذتك والألم حده إمتمكن في حشاي سنين
عساي إني أموت ولا وجع في اللي أنا أحبه
نزعت الحزن من صدرك، مسحت دموعك بكفين
هديتك ضحكة حتى الطفل ما ذاقها بشربه
ملكتي القلب والخافق، ملكتي عيوني الثنتين
عطيتك يالغلا عمري ودنيا بالفرح خصبه
فرشت الورد في درب توقعتك بها تمشين
حملتك لآخر حدود السعادة والأمل كذبه
تحملت التعب والهم ولجلك ما اشتكيت البين
وخمس سنين احيا بك ما بين الآه والغربه
خمس سنين عشناها تخالط زينها بالشين
وكل من حولنا يدري من اللي رتب اللعبه
عقول قاسية صاغت حكاية فرّقت قلبين
قلوب للأسف تبقى حقوده ظالمه كربه
تمنيت الزمن يوقف واحذر طعنة السكين
ولا اعيش الألم اللي بصدري جمر أشعر به

كلام رائع

تمنيت الزمن يوقف واحذر طعنة السكين
ولا اعيش الألم اللي بصدري جمر أشعر به