أول شي مشكور أخوي الأمبراطور ع الموضوع وكل عام والجميع بخير ..

ثانيا ..طبعا انا ماأقدر أكتشف إذا في سلبيات لاني كنت مشارك بأكثر من فقره ..

أتحفونا بما لديكم من أفكار وخاصه سنه أولى نبغي نشوف مواهب

اعلن اعتزالي عن التمثل بسبب عطل فني في system

بصراحه خساره كبيره

أهم شي راحتك بس بصراحه بنفتقدك

بس البركه ف الباقين

مشكوووووور ع الموضوع الممتاز ....


بس عندي طلب عزيزي بس حبيت أنه تكون في الحفل فقرة بالغة الانجليزيه ( شعر أو أغنية rap , hep hop أو مسرحية قصيرة ) تكون دافع للطلاب الصيدلانين ف هذا المعهد و نظهر أهتمام للغة ....
مع شكري لك و أمتناني

تحياتي

فكرة ممتازه

اللي عنده أي قصيده باللغة الإنجليزية ينزلها عشان نشوفها

شو رأيكم لو عملنا مسابقة بين فريقين نستعرض فيها بعض الأغاني الأجنبية ويكون التنافس ف المقدرة على فهم موضوع الأغنية ؟؟؟؟؟؟؟؟؟

ما شرط تكون القصائد باللغة الأنجليزية
حتى لو كانت باللغة العربية

خلينا نشوف القصائد
اللي عنده ينزل

تشكرااااااااااات أخواني ع المشاركات

كلنا أكيد متحمسين ل سالفه الحفل
بس
ما ملاحظين ان الكلام فيها سري....
يعني محد معبر البنات فسنه 2 بالذات وكأنه مالهم دور
ولا نسيتو مشاركتهم الفعاله السنه الماضيه...؟؟؟

بالعكس ما في حد يقدر ينسى الدور الفعال لبنات س1 العام الماضي

ع طاري هالموضوع شو رأيكم نسوي جزء ثاني لمسرحية الإنجلش؟؟؟؟؟؟؟؟؟؟؟؟

مشكوور على طرح هذا الموضوع .........
العام الماضي كانت الحفلة ممتازه بالنسبة لأول مره

بس اعتقد القاعة كانت صغيره
ياليت هاذي السنة تكون في مكان اوسع


وان شاء الله تكون افضل من العام الماضي.
اهم شي نرتاح شوووي من الدراسه والمحاضرات

المشكلة أن الموضوع ماله حل لأن المعهد ما فيه مسرح وقلنا راح نآخذ مسرح العلوم الصحية بس للأسف بتكون صعوبه ف البروفات

هالنقطه مالها حل إلا أننا نصبر عالقاعة اللي عندنا (الجود من الموجود) ولا تنسو أن القاعة هذي ما حالنا لمعهد الصحة العامة

بس تشكر علامداخلة الحلوه


تشكراااااااااااااااااااااااااااااات

فكرة جزأ ثاني من المسرحيه حلوه بس نريد أفكار جديده فيها

-

مرحبا شي جميل انكم تتكلمو عن الحفل و بصراحة البنلت سنة ثانية أبدعوا في المسرحية كثيييييييييييييييييييييييييييييييييييييييييييييييييييير برغم من الانتقادات من قبل الشباب و البنات ولكن أنا أحب أقولهم لا تسمعوا كلام أحد و انتوا الأحسن في الحفل و لولاكم ما كان الحفل حلو و هذا شي جميل so go a head

-

مرحبا
الصراحه الحفل كان حلو بس يلي شاركوا فيه واجد تبهدلوا لأن للاسف الشديد كانت المشاركات فقط من طلاب سنه أولى يلي هما ألحين سنه ثانيه . طبعا أنا ما أقصد أقلل من قيمتهم بالعكس هما وفوا وكفوا بس كان رح يكون حلو لو شباب وبنات سنه ثالثه حاليا شاركوا في الحفل . وطبعا في موضوع كثير ضايقني وحبيت ندردش عنه ويلي هو :
نفسي أفهم ليش الحش والكلام يلي ماله معنى لبنات سنه أولى يلي هما سنه ثانيه حاليا . لا تقولوا ما كان فيه كلام بالعلامه كانوا يقولوا البنات كانوا منتزقات .إذا كان هما شافوا إنهم منتزقات ليش حضروا الحفل من الأساس!!!!!!! يعني عشان هما البنات حبوا يعملولكم تغيير ويونسوكم بالحفل أجرموا ؟ أعتقد ما فيها شي إذا مثلوا أو أبدوا رايهم في أي شغله . مثلهم مثل الولد .
وشكرا وياريت لو تتكلموا عن هالموضوع لأن عن جد آثر في نفسية البنات

-

ما في أحد يقدر ينكر أن لولا بنات س1 ما كان الحفل تم ب هالنجاح

لا بد من الأنتقادات لأن هالشي لأول مرة يصير ف المعهد

أنا أشوف أن كل شاب و بنت شاركو ف الحفل لازم يكونو فخورين ب هالإنجاز ويكفينا إعجاب الدكاتره بالحفل هذا وسام ع صدورنا

و أحب أستغل الفرصة و أهنيهم ع جرأتهم بس يا ريت لو تناقشو موضوع الجزء الثاني لمسرحية الأنجلش ((الكلام موجه للشباب و للبنات اللي شاركو ف المسرحية))

الحفل بمناسبة العيد الوطني للسلطنة بس ما يمنع أننا نأيد فكرة أختنا الفراشة

بس السؤال من عنده هالموهبة عشان نكون الفقرة ؟؟؟؟؟؟؟؟؟

افكار حلوه من الكل واحنا ننتظر افكار اكثر ..

وعلى طاري الحفله في السنه الماضيه الكل كان مبدع صراحه الشباب كملوا دور البنات والبنات كملن دور الشباب كل واحد كان مكمل لللاخر ...
وما في احد قلل من شان البنات في المسرحيه بالعكس الكل كان مستانس بالدور اللي قدمته البنات والشباب ..

وما في احد احسن من احد وكلنا اخوان بالمعهد واللي ما نرضاه لاخواتنا ما نرضاه لكل بنت بالمعهد ..

نريد حفل ممتع يشارك فيه اكبر عدد ممكن .. واذا شفنا الحفل في السنه الماضيه نشوف بان اكثر الشباب قدموا اكثر من دور (عن نفسي قدمت 3 مسرحيات ومعاه فن الميدان) .. نبغي نشوف مواهب من سنه اولى او ثانيه او ثالثه ..

السموحه ع الاطاله في الكلام

مرحبا
بس حبيت أرد ع كلام الأخ ساحر الظلام
وين كنتوا لما طلعوا كلام ع البنات وشو سويتوا ؟؟؟؟؟؟؟؟؟
ولا بس الأخوه بالكلام لأن بصراحه ما شفنا فعل لحد ألحين

angle eyes كتب:

مرحبا
بس حبيت أرد ع كلام الأخ ساحر الظلام
وين كنتوا لما طلعوا كلام ع البنات وشو سويتوا ؟؟؟؟؟؟؟؟؟
ولا بس الأخوه بالكلام لأن بصراحه ما شفنا فعل لحد ألحين

اي كلام تقدي بعدني ما فهمت؟؟؟؟؟؟؟