تمنيت البشر مثلك، وأتاري مابهم شرواك
أنا أحط البشر في عين، وانت بعين تكفيني
وكلن دربه بيسلك ،براحة أو ترى أشواك
تخالط زيننا بالشين ،وقامت ناس تجفيني
حبيبي مهما عني بعيد، تراني عايش بذكراك
عيوني تعشق وصالك، وكلك صدق تعنيني
أحبك من خفايا الروح، أحبك أعشقك أهواك
أبمشي خطوتي ف دربك، وحبك في شراييني
مثيلك ما انخلق ف الكون ،وعندي مابه حد يسواك
تراك انت الوحيد اللي، سلبت الشوف من عيني
أنا أذكر يوم قابلتك، طريقي كلها أشواك
وشلت الشوك من دربي ،وزرعته ورد يحييني
تخيلتك قمر دنياي، وانا هم شمسك ودنياك
وف الواقع لقيت انك، حياتي وكل مافيني
لقيت لساني ماتهنى، بساعة مابها طرواك
لقيتك روحي ودمي، لقيتك حسبت سنيني
الرئيسية
