موضوع: الفرق بين البنت الدفشة و البنت الرقيقة الأربعاء أغسطس 31, 2011 4:14 am
بسم الله الرحمن الرحيم
السلام عليكم ورحمة الله وبركاته
يا هلا وغلا بالجميع
الموضوع واضح من عنوانه عن شو.. وسبب اختياري للموضوع هو التسليه والوناسه وليس بأخذ الموضوع على محمل من الجديه سواء من الشباب أو البنات
البنت الناعمة:طبعا هذة البنت وهي نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزي بترجم لكم شو تقول لها الخدامة تقول قومي ماما وقت واجد تأخير والرقيقة اول ما تنش الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ لازم تحافظ على البشرة خلصت من المراية وتروح عند الاستشوار وبعدين تلبس البنطلون الجنز والبلوزة وتنزل تاكل الفطور اللى يكون عبارة عن دونت وعصير برتقال<<<< أونها عااد
البنت الدفشة :تقوم الساعة 8 الصبح وهــي ما ودها تقوم وتدخل امها عليها بالغرفة وتصرخ عليها قومى بسج نوم ترد الدفشة على امها : زين زين الحين بنش وتقعد تتأفف ويطلع من ثمها نار<<<< حشى لله تنين هب بنت ....بالاضافة الى انها وهي نايمة كل دقيقة تطيح من على الكرفايه وبعدين يدخل اخوها الصغير ويصرخ بسج يالله نوم ترد عليهـ : اطلع من الغرفة والا افركـ من الشباك الحينه<<<<< هاي منجنيق هب وحدة... المهم اخوها اللى اكبر منها يروح لها الغرفة يرفسها وبعد ذيج الرفسة العنيفة تنش من الرقاد
نرد حق البنت الرقيقة ما تتغدا الا الساعة 4 ولا 5 ولا ما تتغدى الا على عيش ابيض مسلوق وسلطة تحافظ على رشاقتها
اما البنت الدفشة تتغدا الساعة 12 بالضبط ولا تتغدا كبسة ولحم او دياي واذا خلصت تشرب البيبسي مرة وحدة يعني ما فى مجال انها تتنفس
البنت الرقيقة طلعتها تكون من بعد صلاة المغرب ما تطلع العصر تحافظ على البشرة من أشعة الشمس
البنت الدفشة تطلع الساعة 2 تروح مشي لبيت خوالها لحد ما تنجلب سمرة
البنت الرقيقة تروح كافيهـ وقبل لا تطلع تمر على الصالون تحط هذاج الميك الاب
البنت الدفشة تحط جحل يترس العين والروج تقول شاربهـ خرشة كاتشب
البنت الرقيقهـ اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها
الرئيسية
