صيدلي فضي  معلومات إضافية
تـاريخ التسـجـيل : 07/11/2010 الجنس :  المشاركات : 373 الــــعــــمـــــر : 32 نـــــقـــاط : 828 الســــمـعــــة : 0  |  موضوع: بحر .. بالله أوعدني وعد الإثنين فبراير 11, 2013 5:34 pm | |
| كذب من قال موج البحـر خايـن والبحـر غـدار
وأنا في عيني أمواجه قبر .. وأدفن بها أسـراري
لك الله يابحر من ويـن جبـت الصبـر ياصبـار ..
وأنا صبري عجز لايكتـم اللـي شفـت بأقـداري
أنا يابحر همـي ساحلـك .. والمركـب الـدوار
يسوق الموج للمينا وتصدم فـي صخـر ظـاري ..
أنا مـدك وجـزرك والهـوى والليـل والأنـوار
طلبتك يابحر .. نزل شراعـك واسمـع أخبـاري
أنا شلت الغرام اللي سنيـن العمـر بـه تحتـار ..
وتهت وضعت بين المستحيل .. ورغبة أصـراري
سريت الليل أنا يابحـر كـن النجـم لـي سمـار
ووصلت لشطك الظالـم ولاأدري ويـن مشـواري ..
وعجزت أغلق شبابيك الحزن وأرخي عليها ستار
وأخاف الشمس تفضحني نهار يشوفنـي جـاري
سبحتك ليـن سمونـي بعـدك ((بــ فلان )) البحـار ..
تعال وعوم فينـي .. شـوف لولـوي ومحـاري
تعال .. وشف أثر عصفور سطح الماء فزعه وطار
ودور لي هنا ضلع تـوارى .. ويـن متـواري ؟!
توارت قبلـه دموعـي عـن الجـلاس والأنظـار
وتوارت قبله أحلامي .. وعاشت خارج أسـواري
سريت الليل وأثر الليل نـاوي يفضـح الأسـرار ..
وأثاري كـل ليـل مرنـي مـن فرحتـي عـاري
أنا ماأذكر من الرحله سـوى دمـع همـل مـدرار
ومجداف رميته في ظلامـك جيـت بـه سـاري ..
أنا غصن ظلمه الوقـت ماعـدت عليـه أمطـار
رداة الحـظ خلتنـي .. أعيـش آطـارد آثـاري!
أنا أدري مابيدينك فـرح تعطينـي عليـه اقـرار ..
وأنا أدري ان السكوت أرحم من الشكوى لجـزاري
أنا جيتك أبي أخمد علـى شاطيـك بعـض النـار
وأثر حالك مثل حالـي تعانـي الجـرح وتـداري ..
بحر .. بالله اوعدني وعد ..لاتفضح الاسـرار |
|
طيبتي أكبر همومي ::مشرف عام::  معلومات إضافية
تـاريخ التسـجـيل : 07/11/2010 الجنس : المشاركات : 4289 الــــعــــمـــــر : 32 نـــــقـــاط : 4582 الســــمـعــــة : 10 | | موضوع: رد: بحر .. بالله أوعدني وعد الأربعاء فبراير 13, 2013 2:07 am | |
| كلمات في قمة الروعه
مشكور اخي الفتى على الطرح الرائع
بارك الله فيك
واتمنى لك المزيد من التميز |
|
