السلامـ عليكمـ والرحمه
صباحكمـ سكــر (=صباح الإمتحانات اللي ماتخلص!! )

السمــوحه بس ماعرفت مو أكتب العنوان



من فترهـ كنت حابه أطرح هالموضوع للنقاش.. بس انشغلت.. وكنت دايما أسأل نفسي سؤال.. لو بيدي أغير شي (واحد) بس فشخصيتي ويش بغير بالضبط؟!!
ايش الشي اللي أحسه ما عاجبني فشخصيتي؟ أو الصفه اللي فيني وما أحبها؟!
وكان الجواب كالتالي: إني أغير طريقتي لما أحكمـ ع الناس.. لأنه ما شاء الله علي اكتشفت اني ع طول أصفي نيتي فكل الناس اللي حولي.. وخاصه للناس اللي معرفتي فيهمـ سطحيه!!
اكتشفت من خلال تجاربي إنه ما كل الناس تستحق الثقه التامه أو حتى الابتسامه المباشرهـ فالتعامل معها! انصدمت ف ناس كثير والسبب إنه لما وثقت علاقتي فيهمـ.. كان ع مبدأ (إرتحتلــــــــــهمـ !! )
واكتشفت انه صعب أحدد المعنى الأصح للراحه المطلوبه فأي تعامل بين اثنين!!
هل يكفي فعلا انه نرتاح للشخص من أسلوبه أو من أول تعامل معه عشان فالنهايه نقدر نحكمـ إذا هالشخص يستحق إني أتواصل معه كأخ .. كصديق أو حتى كزميل؟!
طبعا المبدأ لكلا الجنسين ع السواء.. للتعامل مع البنت أو الولد.
المهمـ.. بصدق قررت أغير هالشي فشخصيتي.. وألغي إني أحكمـ ع الناس مباشرة وأقول (إرتحتلــــــــــــــهمـ) لأنه فعلا أصعب شي لما تنصدمـ فشخص تكون وصلت علاقتكـ فيه لأسمى الدرجات.. وفجأهـ ينزل من عينكـ!!
كمـ من الوقت الواحد يحتاج عشان يرجع ثقته بالناس اللي حوله وخاصه انه بيدخله الشكـ فكل اللي حوله.. أو حتى كم بياخذ من الوقت عشان يرجع ثقته بذات نفسه وكيف تختار وتحكمـ ع الناس صح!!
وهالشي مستمر وأحاول أغيرهـ قدر الإمكان.. ولو إنه صعب شويه فشخصيتي.. ع إعتبار إني أخذ الأمور دايما بعفويه..لكن أحيانا لا بد من حزمـ الأمور.

هذا بالنسبه لي أنا..



أأحب كل واحد منكمـ يدخل ويكتب شي واحد بصدق نفسه يغيرهـ فشخصيته.. أو صفه يحسها تجيبله وجع راس..
طبعا مستحيل الواحد يغير شخصيته مباشرة بس حلو الواحد يعترف بشي فشخصيته يحسه ما عاجبنه أو حتى ما يعجب الناس اللي حوله.. ويجيبله مشاكل فمعظمـ الأحيان
هالشي يفتح باب الحوار أكثر ويخلي الواحد يكون صريح أكثر مع نفسه قبل غيرهـ

فأتمنى أسمع منكمـ مثل ما سمعتوا مني..
وعذرا ع الإطـــاله


مس كبســـــوله