أبـي ابكـي من الضيقـة وابعـزف للهمــوم ألحــان
أبـي اطـلق مواويل الحــزن واطــرح دواوينـي
أبـي أشكـي أبـي احكـي ابوصف للبشــر حرمـان
أبيهــم كلهــم يــدرون أبيهـــم يشعــــروا فينـي
أبـي لا من طرى اسمـي بكـى من لوعتـي شيبـان
أبـي لامن طرى"عــاشق" ذكر من كـان يغلينـي
أبيهـم يذكــرون أنـي بدمعـي صرت انـا غرقـان
أبيهـــم يعرفــون الهــــم هوّ اللـي يخاويـنـي
أبـي أصـرخ وأبلغهـــم وأقـول أن الفــرح خـوّان
يجي مـرة معـاي و هـو بطـول العمـر ناسينـي
أبـي اترك لهم قصــة وأخيّـرهـم علـى العنـوان
يسمــّوا "حـزن "يحطوا "دمـع" أنا ما عـاد يعنينـي
أبـي لامن وصـل صوتي يحـس بضيقتي إنســان
أبـي لامـن نـزف جرحـي لقيـت اللـي يداوينـي
أبـي شخـص يجي يمـي و يقفـل للعنـا بيبـان
أبيـه يكون لي خـلٍ علـى حزنـي يواسينـي
أبيـه لمركبـي مرسـى وأبيـه لغربتـي أوطـان
أبـي لامن ذرفـت الدمـع لينـه لـي يعزّينـي
أنا ما أبيـه يصبح ضلع أبيـه يكون لـي ضلعـان
أبـي لا مـن مشـيت وطحـت حط يديـه في يدينـي
إلامـن خاننـي التعبـير أبيـه يكـون لـي لســـان
أبـي لامـن سكتْ ألقــاه .يفهم مـن نظـر عينـي
أبـي لا من تعبت وضقت لــمّ الروح بالأحضـان
أبيـه يكـون لـي كتــاب إذا ضاعـت عناوينـي
أبـي أعشـق وأبي أغــرم وببنـي للهــوى بنيـان
أبيـه يكون مبنـى ضخـم ويسكــن فيـه مغلينـي
أبـي واحـد ويسكـن بـي وابطـرد لأجلـه السكّـان
أبـي يسكن وسـط قلبـي وعمـره مـا يخلينـي
أبـي أشعـل شمـوع الحب وباعطي من الغلا بسـتان
أبـي أهديــه باقـة ورد ..مسقيهـــا شرايينـي
منقوله...
تــــــــــــــحياتي............
الرئيسية
