اخذيي اليـا عجبتـك بـس ردينـي
وان ماعجبتج خلاص اخذيني.. مابيني
مادامني شفت فيـج الطهـر والعفـة
باعيـف نفسـي ليامنـك كرهتـنـي
اخذيني لو اعتبر من ضمـن اشيائـج
وانـا باحـبـك ولا لازم تحبيـنـي
لابي علاقة ولابـي نظـرة وبسمـة
احساسي اني بقربـك بـس يكفينـي
لو اني انضفت لأشيائج غصب عنـج
طلّـي علـي ياغناتـي لاتخليـنـي
تراي لاجـا المصامـد مانـي بهيّـن
تقـول كـن العـرب لعبـة بيدينـي
شخصيتـي مـن غرابتهـا وطيبتهـا
كن الزمن في تحـدي بينـه وبينـي
اخذيني الشاعر اللي ماصـدق حظـه
لاقلت: ياحظ وينك!! قال: ياوينـي!!
اخذينـي المبـدع المتفلسـف التحفـة
مؤمن وتضحك على العالـم شياطنـي
شهرة شكسبيـر وافلاطـون ونيوتـن
لاقلتي بيت شعر تطيـح مـن عينـي
واخذيني العنصر اللي صدق متعنصر
من دون ربعي لـو اقطـع شرايينـي
واخذيني اللي اليا منه طلـب يُعطـى
وتكفيـن لامـن طلبتـك لاترديـنـي
تكفيـن ياغايتـي يابهجـة الدنـيـا
ابحـرق قلـوب نـاس ماتدانيـنـي
اخذيني بكـل شـوق وقولـي: احبـه
وان شككوا فيك ولا فـي.. ضمينـي
قولي: سعـد والله انـه غاليـاً جـدا
وياجعل فدوه شبابـي واخـر سنينـي
وانا باصـدق كلامـك واعتنـز بالله
وباقول: للنـاس مايعنيـك.. يعنينـي
وانا علـي نـذر مارخـص جيتـك
وانتي نذر على رقبتك انك ماتخلينـي
الرئيسية
