شان وجه الزمان وقصّر إخطاي
لين صارت طموحاتي غريقـه
انت يا سبّة الابـداع وإغنـاي
راع صدري . وتنهيته . وضيقه
فوق همّ الغـرام وهـمّ دنيـاي
همّ فرقاك قلّـي كيـف اطيقـه
كان تقدر على بعـدي وفرقـاي
انا مااقدر على فراقـك دقيقـه
انت كلّ الطموح وغاية إمنـاي
فالسنيـن الجـداد وفالعتيـقـه
دامني بالغلا جيتك من اقصـاي
لا تسـدّ الطريـق ولا تعيـقـه
مدّ يمناك لـيّ وهـاك يمنـاي
خـلّ بسمـة ليالينـا طليـقـه
شوفني عند بيتك رايح وجـاي
المشاعر علـى شوفـك رقيقـه
دام عيني تبيّـن لـك خفايـاي
إسأل العيـن وتقـول الحقيقـه
الف مشكور ما قصّرت ويّـاي
كلّ ليلـه ولـك فينـي طريقـه
__________________
الرئيسية
