أبحكي لك حكاية قلب عاش بدنيته محروم=حكاية حب ما تمت نهاية ليلها أحزان

أبشكي لك نهاية ظلم مات بساحته مظلوم=نهاية هم في صدري وحزن مسببه انسان

عيون الناس في غفوة وأنا عيني جفاها النوم =تنام عيون هالعالم وأنا بصدري تنام أحزان

خطا والكل به يخطي ومحد من الخطا معصوم= ولكن الخطا انك تنكر بأنك الغلطان

تصوم الناس بأوجاعي وأنا أفطر بقايا هموم =وأنا كلّي نسى كلّي تلاشى وخافقي الوجدان

تروم تقول بأني جيش يزحف من بلاد الروم =بلا مورد بلا غاية يسري وجهته لعمان

على موت الفرح أجلس وصمتي والشقا معزوم= جلست أرتب أفكاري وظلمك يكسر البرهان

وقفت فبيتي المظلم وعلى بابي ينوح البوم =وفي إيدي رغيف الخبز وأتقاسم مع الحرمان

ظلام وظالم العالم وحتى ظالمه مظلوم =تغير طورة التكوين في عالم ملاه الجان

في دنيا بليّا عدل في حاكم ولا له قوم =في ربع تخاويهم وفالآخر ترى الخذلان

محيط الحزن يغمرني وأنا المسمار كيف أعوم؟؟=وأنا الشاطي وأنا الصخرة وأنا في قاعه المرجان

أعيش بظلمته أدري ولا أدري من المظلوم= وكيف أدري وليه أدري وأنا عايش بشكل انسان

شعور الحب صار أوهام على جدار الفنا مرسوم=بقايا شوق متفتت ولافي خافقي إحسان

يهل الصيف مستلهب وأنا بي خنجر مسموم= ومن زود القهر والضيم أحس بداخلي بردان

عظامي صارت الموقد وأنا كلي بعد مضروم =بعيد الماي من حولي وحبّي واقد النيران

ألا يا صوت في صدري عليه كل التعب مردوم =ألا يا صوت ما يقدر يحرك طبلة الآذان

أشوف الكون في عيني وأشوفه حظي المقسوم =نصيبي قسمتي راضي بها ولاني بها طمعان

حسافه ما بقى بي حرف ولا حتى بقت بي علوم =وآخر قصتي كلمة تقول أني فقط انسان[/poem]


من كلمات الشاعرة عائشة الهاشمي..!!

عاااااااااد انتوا صدقتوا اني اكتب شعر

اصلا الشعر ضارب معي خيانة قوية

ههههههههههههه

اتمنى عجبتكم القصيدة

عاد الله يهديج انا صدقت ....


حلوة القصيدة ...

عجبني هالبيت ..

خطا والكل به يخطي ومحد من الخطا معصوم= ولكن الخطا انك تنكر بأنك الغلطان

ابدددددددددددددددددداع



ولا اروع

استغربت انتي هستامين تكتب شعر

يا سلام

اصلا انا استغربت لما شفت العنوان
بس برايه طاف

ههههههههههههههههههههه


المهم صادوه

وفيزيو مو قصدك

تراني اكتب احسن عنك

حلوه
حلووه القصيده

عاد هالمره نريدك تكتبي من عندك