موضوع: ""سلام ... وشال"" الأحد أكتوبر 19, 2008 10:33 pm
السلام عليكم ورحمة الله وبركاته .. حبيت اهديلكم اول قصائدي في الشعر كتبتها قبل ثلاث سنوات تقريبا .. وعسى تعجبكم ان شاء الله ..
بداية قصتي كانت سلام وكلمتين وشال:: ولمسة من يدك عذرا بسببها رعشة يديني وقفت اتأملك صامت كأني بوقفتي تمثال:: نظرتيني وتبسمتي وليتك ما نظرتيني سهيت وخاطري اسأل وثار بداخلي زلزال:: وش اللي صابني مدري وعلى غفله ملكتيني وانا اللي كنت اقول ان الهوا لعب وخبال اطفال:: واول ما وطت رجلي على دربك سكنتيني فديت اللي سكن فيني وسقاني(م)الهوا فنجال:: فديته مالك احساسي غلاي وبهجة سنيني فديتك سيدة فكري يا اجمل ما شغل هالبال:: ياروحي يادفا روحي يا نبضي يانظر عيني احبك قلتها مليون وحبك ما عليه جدال:: وابيع الكون لو تبغي مادام انك شريتيني ومرك اشربه علقم وليلك اسهره لو طال:: وشعر ما حكى عنك شطبته من دواويني عشقت الشعر لعيونك وغنيت العشق موال:: وعلى كثر اللي قلته لك حسافه ما سمعتيني وعدتيني مع العشره تنسيني هموم ثقال:: وأول ما غرق قلبي وسط حبك خذلتيني تكبرتي علي عادي جرحتي ولا شغلت البال:: وقلت يهون لعيونك مادام انك عشقتيني شربت المر من كاسك ومن كاسي شربتي زلال:: وغير اللي لك بقلبي حسايف ما وفيتيني كتمت بداخلي صرخة وانا حزني يهد جبال:: صبرت وما هجيت انك على صبري تذليني بكيت من الاسى واللي فضحني دمعي الهمال:: حسبتك تمسحي دمعي وعلى صدرك تضميني تركت كثير من حولي وصرت بدنيتك رحال:: وكل ما اوصل بخطوة من اوطانك بعدتيني هديتيني بعد قاسي وهديتك من غلاي وصال:: وجيتك بالعشق ضامي ولا عمرك سقيتيني علامك اسرة قلبي اشوفك كل يوم بحال:: علامك كل ما اضحك تعمدتي تبكيني وش اللي صاربك فجأه وش اللي غير الاحوال:: خذيتيني على العز ومع الشده رميتيني نصيحة واسمعي من قلب لاجلك ياما صال وجال:: وطيعيني ترى والله حقيقه ما عرفتيني أنا رجال ولي عزة واموت بعزتي رجال:: واكسر عالم(ن) حولي اذا ثارت شياطيني وادوس القلب بأقدامي وبهجر رمشك القتال:: واحرق صورتك اهون ولا ذلك يغطيني وبنهي قصة كانت سلام وكلمتين وشال:: وبنسى نظرة عيونك وبنسى رعشة يديني والسموحه ع القصور
al.`3ala
صيدلي ذهبي
معلومات إضافية
تـاريخ التسـجـيل : 13/10/2008
الجنس :
المشاركات : 684
الــــعــــمـــــر : 35
نـــــقـــاط : 207
الســــمـعــــة : 2
موضوع: رد: ""سلام ... وشال"" الإثنين أكتوبر 20, 2008 2:25 am
ماشاءالله عليك... تسلم يدينك ع هالرائعة الي كتبتها... بصراحة كلمات واحاسيس ولا اروع ..
الرئيسية
