الوقت دونك سجن وغيابك اسياجـه
لا تعتذر لي تـرى ماعـاد فـي شـدّه
اعيد حكي ٍ يكود الصـدر مخراجـه
دامه يوصـف بجـود ابيـك وبجـدّه
وشلون تبخل على المجروح بعلاجـه؟
ووشلون قاوااك قلبـك رده وصـدّه
مع انه بيّن عليه الضعـف والحاجـه
ياقـو قلبـك بـرد ايميـنـك وردّه
بخلت بمصافحـه وارهيـت بحراجـه
لو ماسقى غيم عينه جرهـدي خـدّه
تراه يبكـي وقلبـه يلحـق اخلاجـه
ولو شفته يمازحك تـراه مـن جـدّه
الضحك عن درب ضيق الصدر ماعاجه
غير الغلا والوله عليـك وش حـدّه؟
يـادرب ليلـه ويامسـراه وسراجـه
كنّه يعرفك قبـل يلقـاك مـن مـدّه
مع ان مابينـك ومـا بينـه امواجـه
هواك بدو ٍ نـووا للقلـب بالشـدّه
ورياض قلبي لشوف البـدو محتاجـه
والوصل..بحر ٍ متى انت بتسمح ابمـدّه
السيف صبري وبحرك شـح بامواجـه
قصيدي اللـي قريتـه واللـي اعـدّه
قديـم لا يزعلـك معنـاه واخراجـه
وفراغ قلبي غلاك ارهى علـى سـدّه
ليتك تشوف الغلا وابراجـه وعاجـه
اقوى رياح العذل مـا تقـدر تهـدّه
والا الجفا لو تنفـس هـدم ابراجـه
تغانـم الوصـل لـن البعـد لابـدّه
ياتيك في يوم ثـم ياخـذك بادراجـه
اللي لي انك تليـن وتتـرك الشـدّه
واللي لك اني ما سولف بك لهراجـه
ولاني بزعلان واللـي نرتجـي مـدّه
يا باب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه
ما دام كل ٍ يبـي دربـك ومنهاجـه
غالي وتبخل علـي وتطّـول الصـدّه
الله يسامح غـلاك ويلعـن الحاجـه
وهذه القصدية في موقع اليوتيوب
https://www.youtube.com/watch?v=5i5dsZRldH0&feature=related
الرئيسية
