مرااااااااحب بالجميع

حقيقة بس حبيت أقدم لكم هذي القصيدة للشاعر القدير ( احمد الوحشي) لأني سمعتها من فترة وأعجبت فيها
، يمكن بعضكم مرت عليه بس ما عليه في الزيادة إفادة، وقولوا إيش رايكم فيها،
وألف شكر للجميع.


لا ردك الله لا ولا اطلب ترديــن ......ادعي عليك بعثرة فـي صلاتـــــــي

عثره تشلك ما بعدها تقوميـن ......يا قاتلتني يوم صرتي حياتــــــــي

خدان لك بالقلب كانت بساتين ......وريضان وغصونا بها يانعاتـــــــي

كنتي مناة القلب والروح والعين ....واليوم عينك يعلها ما تباتـــــــــي

كنت أحسبك للعهد والحب توفين ..قلتي الغدر بالحب ماهي بسواتــي

وحلفتي يمين الله ما منك اثنتين.......وانك ملاك دون كل البناتـــــــــي

وانك على عهد المودة تسيرين ....ولا تسمعين أهل الحسد والوشاتـي

وصار اليمين ستار خلفه توارين .......ورماح غدرك بالخفا مشرعاتـــي

وبان الغدر سم جرى بالشرايين ......الله عسى يسقيك سم الفعاتــــي

كلي سقيتك حب واليوم تنسيـن........تقولين حلم ايام واليوم فاتــــــي

خذتي الهوى لعبه على ما تحبين ......لين عصفت بالهوى عاصفاتـــي

مزينك يا بنت بالشعر تزيين ............ من صورك بابياته الطايلاتـــي

انا من غرامي قلت كانك تذكرين ...... قلت الخجل صاب البدر من مناتـي

وصرتي بشعري في العذاري تباهين.تقولين انا شمس العصر في حلاتي

زينتك بشعري ولا غربك الزين ..........ما زانتك صبغات حمر الشفاتــــي

صورتك بالشعر حزام ورياحين .......واثرك هضاب وشوك ما به هداتـي

رسمتك سحابه خير قطر تنفين .........فرشت لك الصحراء زهور ونباتـــي

رسمتك مهاه للجميله تقودين .............واثرك قطيعه وضيعتها الرعاتـي

واثرك غراب يوم سدل الجناحين ......كنت احسب اني شايف لي قطاتي

بالشعر غليتك على كل غاليين ...........واثرك دنيه وتعشقين الدناتـــي

وبالشعر عاتبتك عتاب المحبين .........انا من يسوم الروح لك يا غناتـي

توسلت لك خايف على حب عامين .......عامين لكن في حسابي مئاتــي

ناديت لكن لي ابد ما تسمعين ...........عمري وروحي فكري في ثباتي

حذراك للشينات عمري تماشين ............عديمات اصل اخلاقهن دانياتي

غاب الولي عنهن ولعبن بحبلين ................يا خس واليهن وخس الولاتي

ما همهن في الناس زين ولا شين ...........وقلوبهن من حقدهن مظلماتي

وقلتي وربك لو يكونن ملايين ..............ما غيرن بالطباعهن من سماتي

تحسبين انك بالمهافه ترقين .................كيف الصعود يكون للهاوياتي

وخنتي وبعتي كل عهد وايامين ............ما عاد يفرق بين ماضي واتي

وصرتي مثل غيرك برخص تبيعين .........يا مرخصتني ما بقى لك غلاتي

صبري نفذ واليوم ثارت براكين .............مظلوم انا وباكر تحل ادعواتي

سمعي عسى من بعدها ما تسمعين ...سمعي دعا من صار قلبه حصاتي

ادعي عسى من ناظرك ما تشوفين ......وتطحن بك الايام طحن الرحاتي

وعساك عوق منه ما عاد تبرين ..............عوق تشافق له قلوب العداتي

ويالله عسى يحتار فيك المداوين ...........تبين الممات ولا يجيك المماتي

ويالله عسى كف الندامه تعضين ..............تندمين يوم انه يفوت الفواتي

وتبكين دم يسيل من مقلة العين .............وتحتار امك عن عناك وتحاتي

عسى ما تلاقي من له القلب تهدين .....وان حصل ادعي عساك الشتاتي

يا بلوة اللي وسط بيته تعيشين ..........ساهي وحوله شب جمر الغضاتي

عسى بعمرك ساعه ما تهنين ..............وتمضي حياتك بين هم وشقاتي

يا بنت قلبي وين مثله تلاقين .................قلبا عطاك الحب ما قال هاتي

جيتك وروحي شلتها لك بكفين ............وفي التاليه رمح الخيانه جزاتي

يالله عساك النار يا أم وجهين ................كله انكشف لا ما تفيد العباتي

ويالله عسى تلبسك جن وشياطين .....وتكونين مدعاة الحكي والشماتي

يا حية رقطا تقود الثعابيـــــــــــن .........باكر تحن ايامك المعتمـــــــاتي

وباكر على فعلك بمثله تجازين ..............ظلم المشاعر ما تحكمه قضاتي

بيني وبينك تحكم ايام وسنين ............وانا شاهدي قلبا من الغدر ماتي

ويا دمعة التمساح لالا تذرفين .................العيون رغم ادموعها كاذباتي

لا ما عرفتي الحب لا ما تحسين .............وغدرك تعدى غدر ذيب الفلاتي

الذيب يعوي قبل يغدر بمسكين ........وانتي غدرتي خافقي في سباتي

لو كان غدرك في كفوف الموازين ...... كان رجح في كل غــــــــــدر البناتي

انتي السبب سقتي على القلب جرحين....... غدر الغرام وموجع الذكرياتي

وانتي السبب واليوم لالا تلومين ....... وان جاك باكر شوفي اشلون يآتي

والله لاكتب وافضحك في دواوين .........وارقص واغني يوم خبر الوفاتي

وارسم لاهل العشق قلبا وسهمين ............وقصة خيانه ما روتها الرواتي

ويمين لاانشر فوق اسمك عناوين ........واشهرك من قاصي اليمن للفراتي

ومن غرب هالدنيا الى قاصي الصين .....ديوان غـدر فيه كل اللغـــــــاتي

والبادي اظلم سنة العين بالعين .............والا فذي لا عادتي ولا صفاتي

ويا شبه انسانه برأس ورجلين .............اعوذ بالرحمن منك بصـــــــلاتي

وايد روووووعه



ونطلب العبرة ...............



تحياتي : ج ح

أوكيه من وين الشاعر أحمد الوحشي (من الظاهرة - الداخلية - ..) ومن أي ولاية بالتحديد

مشكوووورة عزيزتي
تسلمي

يسلمووووو أختي على القصيده وعلى الكلمات إلي بداخل القصيده في قمه الروعه..
********************************************************

مشكورة على نقلك القصيدة الجميلة في منتدانا الغالي وهذي القصيدة جذبت اعجابي لأول مرة سمعتها من لسان الوحشي وانا اقول انه صدق لما كتب هذي القصيدة لان المشاعر مو بلعبة وهذا تعبير عن كل مافي خاطرة وأهم شي الشخص لما يكون الشخص متضايق يفضفض مع اقرب شخص له..............................

أوكيه من وين الشاعر أحمد الوحشي (من الظاهرة - الداخلية - ..) ومن أي ولاية بالتحديد)





الشاعر من الظاهره اخوي:::::::::::::::::::

قصيدة حلوة تحمل معنى رائع...



تسلمين عزيزتي

**عاليه ف الثريا** كتب:

أوكيه من وين الشاعر أحمد الوحشي (من الظاهرة - الداخلية - ..) ومن أي ولاية بالتحديد)





الشاعر من الظاهره اخوي:::::::::::::::::::

أنا سألت هالسؤال لأني أعرف هالشاعر معرفة جيدة..

القصيده حلوه,,,بس انا ملاحظة الشباب هم اكثر اللي علق

تدرون ليش؟؟؟؟؟؟؟؟؟؟؟؟

لان فيها شوية قسوه ع البنات

أبو الحسن كتب:

**عاليه ف الثريا** كتب:

أوكيه من وين الشاعر أحمد الوحشي (من الظاهرة - الداخلية - ..) ومن أي ولاية بالتحديد)





الشاعر من الظاهره اخوي:::::::::::::::::::

أنا سألت هالسؤال لأني أعرف هالشاعر معرفة جيدة..

عيل ليش سألت ؟؟؟كنت تستعبط؟؟