موضوعنا عن الردود السطحيه والمحبطة

اولا بقول كلمتى عن الردود وكيف اشوفها باختصار هذا راي الشخصي

الرد في الموضوع

مثل الماي للشجر << علي بحر خخخخخ


يعني قلم الكاتب الي كتب الموضوع محتاج شي يغذيه طبعا من يغذيه؟؟ الردود

بالطبع مو شرط الردود كلها مديح قد يكون في انتقادات بس بشرط تكون انتقادات بناءة وتشجع الكاتب في الاستمراريه


وافكاره


يعني يلقى شي يخليه يكتب يخليه يعصر مخه يطلع موضوع مفيد عشان يلقى الناس الي ترد عليه وتناقشه في آرائه

وافكاره


بس للاسف انه اغلب وليس كل الناس كذا

مثلا واحد كاتب موضوع يتطلب مشاركة وآراء.. يمكن الكاتب حطه لانه عنده راي بس يبغى يعرف اراء الاخرين

ويبى يفيد ويستفيد وشي حلو تبادل الآراء

بس يدخل واحد الموضوع

يقول شكرا واجد حلو الخط ويش اسمه؟

او وينك انته من زمان ما شفناك

او واحد شكرا والتنسيق للموضوع واجد حلو

وواحد مشكور على الموضوع


تتوقع انه فيه احد يبغى منك كلمة شكرا ؟؟؟

لا اخوي/أختي شكرا تقولها بموضوع فيه صور

موضوع فيه لعبه

بس موضوع النقاش للنقاش



طيب نجي للشخص هذا


انته تشوف انك ما قادر تكتب رد مفيد؟!

الي يكتب رد حلو وفيه نقاش وتبادل اراء ويش زايد عليك بشي ؟

آآآآآآآآآآآآآآآآآآآه وألف آآآآه يوم أشوف 89.000 مادري كم الرقم دخل وشاف الموضوع
وعدد الردود 0.999 من ألف وشو هالفرق..؟

ليش ما تحاول ترد جرب والله ما صعبه انك تعبر عن ما في فكرك بقلمك

اذا كنت مستهين بقلمك وتقول انه ما يقدر يوصل شي فأنت غلطان



القلم انف الضمير ، اذا رعف أعلن أسراره وأبان آثاره

القلم سفير العقل و رسوله ا لأنبل و لسانه ا لأ طول و ترجما نه ا لأ فضل

من جلالة شأن القلم أن الله تعالي لم يكتب كتابا إلا به

في النهايه

اذا كنت محاور فأنت كالماء

اذا كنت من اصحاب الردود السطحيه فأنت كشجرة الكافور


ونهاية النهايه

المطلوب نصيحه توجه لهذا الشخص او طرح فكره في تطوير قدرته على إنه يكون محاور جيد

كيف تكون نفسيتك لما تشوف كذا رد في موضوع تعبت عليه وفكرت

واخر شي كل الردود شكرا وشكرا

واذا عندك اي شي بتضيفه
((همسة))

اذا بتكتب شكرا وتطلع فأنا ما محتاجنها تراني وانصحك تقرا وتطلع... أفضل اشوف موضوعي فاضي على ان يكون صفحة زيادة مشاركات
وفي النهاية إحترامي لكل الأعضاء من شباب وصبايا ( على فكرة أنا جالس من حوالي الساعة وشو فقط أ:تب هالموضوع وأنا جاعد وحدي في غرفة اللاب والحين حوالي الساعة 7 بالليل والشباب الثانيين جاعدين يحضروا البروفات للحفل يوم الإثنين وإنتوا كالعادة.. راح تعطوا إنطباع عن الحفل من كلام الطلاب اللي كانوا حاضرين الحفل والباقين وين "فييييشش" راحوا بيوتهم ).

إحترامي