موضوع: <<دموعي>>... الإثنين أغسطس 22, 2011 3:06 pm
انه عندي دموعي كلش غاليات ومايرخصن الا يم الغالي واغلى واحد انته والوادم وراك وحالي من اتروح يكره حالي ولذلك من بجيت انه عليك عيون طاحن مو دموع كبالي
من رحت عني وعفتني بلايا روح عالاقل جا رجعت دلالي وجا كلت مسكين خلي اعطف عليه وخلي اعذره وكلشي ماسوالي انه ردت اولهم بكلبك اصير عمي مو اول اصير التالي
انه من عنبك ردت ماحصليت عاد انعم الله من احصل سلالي انته مو مالي وخذت روحي ومشيت شراح تاخذ كون صاير مالي كلي تاخذني الك مني وتروح وانه ارد للبيت منك خالي
روحي ركبه اتصير لو صرتلها سيف وبين اديك الموت هم يحلالي شبيك متعجب طحت يمك جتيل هوا غير انته الصرت جتالي لو ردت من بالي اشيلك مستحيل انته بالي ايصير اشيلن بالي
الموت والفركه سوا الوادم تكول انه اكول الموت والله اشوالي شبيها مدري شمالك الوادم تكول انه لو ادري اكول شمالي جان حمل الدنيا لوفوكي يطيح ما اشيله انه يشيله خيالي هسه وين ولك وين فراكك شخلالي حيل زين كد شيل الهدم خلالي
انته حسبالك نسيتك والسلام انه بعد الصار هم حسبالي حسبت غيرك يجي ويمه استراح والف مو واحد اجه شسوالي هواي مدولي الحبل لجل الوصال وانه يم وصلك امد حبالي والله يم وصلك امد حبالي
الرئيسية
