صباحكم / مسائكم فرح وحب وأمان..
كيفكم..!!!عساكم بخير..!!والضيق والهم ناسيكم..يارب..

أعجبني القلم الذي حاك هذه الكلمات..فأردت أن أشارككم بقرائتها..وألتماس روعتها..

ماكنك نسيت قبل لا تروح تنهيني؟
وتمحيني من الدنيا
وتكتبني فعل ماضي؟
ماكنك نسيت تخبرني قبل لا تروح وش أسوي لو ضاقت من بعدك على قلبي الأراضي؟
¤¤¤
لحظة..!
قبل لا تروح.. علمني كيف أقسى؟وأخون الملح والعشرة!
وكيف بدال الطيب أجازي من يوفي لقلبي طعنة غدر في ظهره؟
علمني..
كيف أتمرد على طيبي
وأغير ف الدنيا أساليبي
ولا..أعذر..
وأعيش بقلب متحجر..
واتفنن بتعذيبي..!
¤¤¤
ماكنك نسيت قبل لا تروح تخبرني أي دوا..أخذه
لو اشتقت في بعدك عيونك
أسبرين والا..
جرعة من ذكرى سنيني؟
وش ينسيني عذابي
وش يخفف..
من مصابي
وش يعجل من مماتي
لو خنق قلبي..
كثر الحنين!
¤¤¤
ماكنك نسيت تعلمني
وين أروح
لو كثرت على قلبي الجروح!
وخنقني الواقع المؤلم..
وماعرفت..
لمن أبوح!
¤¤¤
ماكنك نسيت قبل لا تروح
تنهيني؟
وتمحيني من الدنيا
وتكتبني فعل ماضي؟
ماكنك نسيت تخبرني قبل لا تروح وش أسوي لو ضاقت من بعدك على قلبي الأراضي؟
*************************

مما راق لي.