[center] من القضايا المهمة التي تواجهنا حاليا.............وتؤثر علينا في المستقبل................المستوى العام للطلاب في اللغة الإنجليزية..........شو الأسباب؟هل من الطلاب أنفسهم أم من المستوى التعليمي إلي كانت بدايته من المدرسة؟وشو الحلول المقترحة لتخطي هالأمر........؟
تسعدني مشاركاتكم البنائه والهادفة والعملية بقدر الإمكان................[/center]

أنافي اعتقادي هناك عدة أسباب ومن هذي الأسباب :

-الماده العلميه الغير دسمه الي تقدمها وزارة التربيه..
-والنقطه الثانيه بسبب المعلمين انفسهم الي غالبا يستخموا اللغه العربيه أثناء الحصص والي تأثر سلبا على لغة الطالب..
-وفي النهايه هناك بعض المسؤليه الي تقع على الطالب الي ما يحاول بان يمارس اللغه الأنجليزيه...

أولا أشكرك ع الموضوع الجميل....

والي من أولها خراب بيكون تاليها خراب والقصد ف هالكلام تعليمنا للإنجلش فالمدرسة كان ضعييييييييييييييف جدااااا
وما في مدرسين أكفأ يدرسو هالمادة إلي قلة...

وإلي ساعد ع الخراب دراستنا فالمعهد والضغط الموجود فالمواد...

ولكن من طلب العلا سهر الليالي

أسف ع الإطلة...

سلام """""""""" اسباب تدني مستوي الانجليزيه عند الطلبه هو عدم اهتمام الطالب بها ايام المدرسه

أنا من رأي عدة أسباب
منها
الكتاب المدرسي غير صالح لتدريس اللغة الانجليزية واتمنى من وزارة التربية والتعليم تسوي خطة تدريس اللغة الانجليزية نفس المعهد خاصة في القواعد بصراحة ف المعهد سنة اولى الفصل الاول تتعلم القواعد بشكل صحيح والطالب الي يذاكرهن زين بيكون مستواه فوق الامتياز
يعني القواعد ف الكتاب المدرسي كنا ناخذ كل فصل عن موضوع واحد بس
والفصل الثاني يكون موضوع غير يعني ماشي تذكير بالمواضيع الماضية الي درستهن ف بهذي الطريقة الواحد بينسى المعلومات السابقة
وبصراحة عن نفسي معجب بطريقة تدريس الطلاب ف اللغة الانجليزية ف الامارات
عندهم طريقة غير ف التدريس بس بصراحة ما اعرفها بس لاني لاحظت ف بعض الشباب الي درسوا ف الامارات ويجوا يكملوا عدنا ب عمان يكونوا بلابل ف الانجلش بس مستواهم ف باقي المواد طلاب عمان ربما يكون افضل منهم بكثير


والسموحة والعذر ع الاطالة

هو نحن درسنا انجلش في المدارس
9 سنوووووووووووووووات وبدون فايده
كلمتين ع بعض ما نقدر نقلهم


بس المعهد تدريسه أوكي..

سلام ... اسمحولي اوضح نقطه بس .. السبب في تدني المستوى في اللغه الانجليزية هو عدم الاهتمام باللغه واهتمام الطلاب بالمواد الثانيه اكثر من الانجلش .. مروا علينا طلاب نعرفهم كانوا ما يعرفوا ينطقوا او يكتبوا جمله ع بعضها .. بس اهتموا بالماده زين والحين ما شاء الله مستواهم فوق .. ما في احد احسن من احد .. اذا تبغوا تحسنوا اللغة اهتموا شوي .. وبعد روحوا مكتب مس دولينا ومس سالي وسولفوا معاهن .. لا تخافوا اكيد بتتكلموا غلط بس هي بتعدل الغلط وراح تشوفوا ان اللغة مالكم تتطور يوم بعد يوم .. ما في انسان مخلوق يعرف كل شي .. واللي تشوفوهم الحين يتكلموا انجلش كانوا ما يعرفوا غير يس ونو ..

اتمنى للجميع التوفيق وشدوا حيلكم شوي ..

وكلام مديرنا صحيح 100%
شدو حيلكم مس دولينا ومس سالي فرصه ذهبيه لا تضيعوها..

كل كلامكم صراحه في قمة الصحه
بس اتوقع المشكله في التدني فالغه الانجليزيه هو عدم الممارسه يعني 3 ساعات فالاسبع ما تكفي لطالب ان ينعلم الانجليزي بس لو تلاحظو الي يمارس الانجليزي خارج المدرسه لغته ممتازه اعتقد المشكله من الطالب نفسه يتعلم وما يطبق
التربيه والتعليم تعلمك بس انت المفروض تطلع وتطبق الي تعلمته
الخطأ الوحيد لتربيه انها حصرت الغه الانجليزيه في 3 ساعات فالاسبوع يعني لو كان في مادة تتعلق بنشاط او بمواضيع معينه فيها حفظ وفهم بالانجليزي اتوقع راح يكون شي تطور
اسف بس هذي وجهة نظري

أسمحولي في إضافة نقطة بسيطة حول موضوع مستوى الطلاب والطالبات ،،،

تعليم الإنجليزية سهل بس البعض متعقد منها ...
بصراحة تدريس المدارس كان لعب ومصخرة بسبب نوعية المدرس الذي يقوم بالتدريس ..

إقتراحي من هيأت التدريس في المعهد زيادة حصصة تعلم اللغة الإنجليزية وجعل السنة الأولى هي سنة تأسيسية حتى يحصل الطلاب على مستوى عالي من الإنجليزية ،،،


أرجوووا قبول الإقتراح ,,,