ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!


ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي


وبشُوفْ .. يرثيني أنـا كَـمْ [ شاعـر ] ..؟
ومِنْهو تركْنـي .. ومـا كِتَـب شَـي عنِّـي


شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي


وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي


ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي


ومِنْهـو بنـى [ بإسمـي ] سبيـل ومنابـر
ومِنْهـو يفـز قلبـه .. إلا مِــنْ لمحـنـي


ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟


ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي


يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي


خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي


وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي


ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي


الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي


عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي


قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!


شاعر ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!

بصراحة هذه القصيدة من اروع ما قرات

كنت احبها وااجد
تسلم اخونا ع اختيارك هذة القصيدة الرائة
رجعت لي ذكريات جميلة

أنا ما قريت الموضوع بس أقولك بعد ما قريت العنوان... ليش..؟

أحس الواحد من يموت ما ينتظر يشوف أهله إش سوو
أو من بكى و من لا ؟؟؟؟

لأن الواحد راح يعيش عالم رباني مخلي الأفكالر ف بيت الشعرالماضي ع جانب مهتم بالآحرة


وخذها نصيحة مني لا تهتم إش الأثر يلي تركته ف قلوب الناس و كيف تعاملوا مع هالأثر

إهتم بتوثيق حبك للكل و أولهم ربك

الكل تجيه هالأفكار بين لحظة و الثانية و حلوة طريقة الشاعر ف الكتابة و الأحلى يلي يحس فيها من الناحية المنطقية

تسلموا الكل ع المرور والتعليق ..

اجمل ما قرأت من القصائد للشاعر احمد الصانع وحبت انقلها لكم ..
دمتمـ بود ..

مشكوووووووووووور

والله يرزقنا حسن الخاتمة ان شاء الله