أنا ما أفهمـ بالسيارات ولا ب القطع الصغيرهـ ولا الكبيرهـ !!
فايش سر الرقمـ 710 ؟؟!!!
وهل انته تو تطنز انه الحريمـ ما يفهمن بالسيارات ولا تو ذي الحرمه يعني تفهمـ ؟؟
أتمنى حد يفهمني .. عشان أعرف أرد
ومن العنوان شكلها طنازهـ يعني
بقوولكـ راي الشخصي ولا تزعل
انته لأنكـ شخص فيكـ هوس واضح بالسيارات وهذا واضح من موضوعكـ للكتله الحديديه ( السيارة) .. فانته تعصب إتجاهـ أي شخص بيتجاهل بأهميه وقيمة الشي اللي انته مررهـ متعلق فيه
وهذا حقك طبعا.. مسوي (فزعه) للسيارات
بس راي يعني .. وهذا راي.. أنا ما بتزيدلي شحمه ولا لحمه لو عرفت مو ذيكـ القطعه الصغيرهـ اسمها!!!
لأني لين تو ما أعرف أسماء كل أجزاء جسمـ الإنسان عشان أهتمـ باسماء قطع السيارهـ.. يسدني أعرف تاير ومحركـ وبريكـ وسكان وجامه !!!
وعاد بو أعرفه غيرهـ فهذا راجع لشطارتي كمعرفتي للمقعد والليتات ومن هين يفتحوا البترول .. وكيف ينظفوا الجامه بطريقه صحيحه منعا لتخديشها
وما مهتمه أعرف مو ذيكـ اسمها.. لو كنت مثلكـ مهتمه كنت بعرف وأفلح .. لكن سبحان الله عندي اهتمامات وهوايات أخرى !!
والنقطه الثانيه.. يعني تو كل الشباب والرجال خبرة 100% فالسيارات وعارفين كل قطعه مو اسمها؟؟!!!!!
ما أظني.. بالعكس فيه حريمـ عندهن معلومات أكثر ومهمه أكثر فعالمـ السيارات... كذاكـ شيه وا ما كذاكـ ؟!
والناس يختلفوا فميولهمـ وهواياتهمـ واهتماماتهمـ وإلى غير ذلكـ .. سواء كان للذكر أو الأنثى!!!
وأحي هالحرمه اللي راحت وحدها عند الميكانيكي تطلب قطع سيارتها.. وما تعتمد لا ع زوجا ولا أخوها .. كذاكـ أباكن مفتحات
ولكن لفت انتباهي الرقمـ 710.. وبجد نفسي أسئلكـ غطا تعبئة زيت المحركـ مو اسمه؟؟
هذا وتقبل صراحتي ورأي الشخصي بكل ود وإحترامـ
الرئيسية
